天下來的雞尾鸚鵡
天下來的一隻雞尾鸚鵡
9月3日 （五）
泰伯紀念學校來了一隻自來雀，大家都趕到六樓位置，看看是怎麼樣的雀，原來是一隻鸚鵡（下稱雞尾）！ 老師們立刻想方法去幫牠找回主人；放牠到管理處？ 還是出訊息為牠找回主人？ 最後，我地透個群組版主出post。下午，隨即有遺失同類雀仔的主人前來找雀仔，結果不是主人要找的失雀。下午五點多，有兩位對雀仔非常關注的女士，到校希望帶牠到一個叫FPP (Feather Protection Programme)雀鳥保護組織治療及尋回主人，
其中一位女士表示牠羽毛鬆弛，對牠狀況並不樂觀。
9月4日 (六)
義工姐姐通知，「雞尾」無點自己食野，估計牠未識自己食野，但唔係人手喂開，好怕人，咬人都好痛下，要餵奶佢食，但食到打仗咁。
義工姐姐表示，「雞尾」 應該係主人喂開，一點都唔親人，亦有機會啱啱離開個巢，啱啱學飛，但飛失了。
晚上，義工姐姐再通知，佢情況都係麻麻，消化好耐唔見便便，好難喂，唔肯吞，有機會要插喉餵，但無必要都唔想佢覺得咁辛苦，「雞尾」依家keep住都係鬆毛訓，明天可能會book定醫生，但有機會要1-2星期先有位，義工再補述，牠有d絕食傾向，水唔飲野唔食，而且情況都係唔太好，開始無乜力。
9月5日（日）
好消息傳來！ 「雞尾」今日好叻，食左好多奶，開始唔抗拒人手喂奶了！ 義工補述牠如果肯食就可以了，但佢應該未完全戒奶，仍在學飛的階段。
9月6日（一）
「雞尾」終於識自己嘗試食野了！
好開心！ 佢有翻求生動力，唔再死氣沈沈個樣。而且開始精神翻，周圍咬。感恩！
